पृथ्वी जर सुट्टीवर गेली!
तर पृथ्वी फिरायची थांबेल. जिथे दिवस तिथे दिवसच! जिथे रात्र तिथे रात्रच!
दिवस असेल तिथली लोकं म्हणतील, "आमच्या इथे रात्र करा. आम्हांला झॊपायचंय "
रात्र असेल तिथली लोकं म्हणतील," दिवस करा ना हो. आम्हांला शाळेत जायचंय. मोठ्या माणसांना ऑफीसमधे जायचंय. पेपर वाचायचाय. खेळायचंय."
पोलीस म्हणतील पृथ्वीला शिक्षा करू. पण पोलीस तर पृथ्वीला शिक्षा करूच शकणार नाहीत! ते पृथ्वीवरच राहतात ना!
मग ते काय म्हणतील, "पृथ्वी पृथ्वी फिर ना."
मग पृथ्वी फिरायला लागेल. भराभर फिरायला लागेल.
पटापट दिवस की रात्र! पुन्हा लगेच दिवस की पुन्हा लगेच रात्र!
मुलं म्हणतील, "आम्ही पटापट मोठे होतोय. पटापट पुढच्या वर्गात जातोय."
मोठी माणसं म्हणतील, " आम्ही पटापट म्हातारे होतोय. आमचे केस पटापट पांढरे होताहेत. आमची ताकद कमी होतीये. आम्हांला काठी घ्यावी लागतीये. आम्हांला पटापट नातू होताहेत. ते आम्हांला आजोबा म्हणताहेत. म्हणून पृथ्वी तू नेहमीसारखी फिरायला लाग."
नंतर मग पृथ्वी नेहमीसारखी फिरायला लागली.
तिला आता सुट्टी घेताच येणार नाही.
-- - सुहृद
मस्तच !
ReplyDeleteसुहृद,
ReplyDeleteतुझी गोष्ट मला ऐकायला खूप आवडेल. कधी सांगशील?
--- आत्या
सुहृद,
ReplyDeleteबरं झालं बाबा पृथ्वी नेहमीसारखी फिरायला लागली. मला कळतच नव्हतं माझे केस पाढरे होऊन गळून का गेले ते. आत्ता शोध लागला! तू भारी आहेस....
आणि अरे पृथ्वी सूर्याभोवती फिरायचीपण थांबली होती का रे? मग काय; जिथे पाऊस तिथे सारखाच पाऊस का? कसला कंटाळा येईल ना मग आपल्याला?
- सचिन
आई गं! भारीच!
ReplyDeleteकल्पनाच कसली भारी आहे!
ReplyDelete>>पोलीस म्हणतील पृथ्वीला शिक्षा करू. पण पोलीस तर पृथ्वीला शिक्षा करूच शकणार नाहीत! ते
पृथ्वीवरच राहतात ना!
खूप गोड!
सुहृद..खूप मस्त कल्पना..आवडलं मला ..
ReplyDeleteहॅलो मुक्ता... तुझा E-mail मिळू शकेल का?
ReplyDeletemukta.m.bam@gmail.com
Delete