स्वप्नं
पुस्तकाला पाय आले तर ते शाळेत गेलं.
डब्यात त्याला गोष्टी दिल्या. ते दप्तराच्या बाहेर बसलं.
त्याला सगळे वाचायचे, हसायचे.
एकदा काय झालं?
कोणीच वाचलं नाही त्या पुस्तकाला!
मग काय झालं?
त्याचे हातपायच गेले.
त्याबरोबर मला जाग आली.
.......
वस्तू आणि फळं
माणसं पुस्तकात गोष्टी लिहीतात.
माणसं पुस्तक बनवतात
आणि माणसंच वाचतात.
माणसं सीडी बनवतात.
माणसंच सीडी लावतात.
माणसंच सीडी पाहतात.
माणसंच आम्रखंड बनवतात.
माणसंच आम्रखंड खातात.
पण माणसं आंबा नाही बनवू शकत.
आंबा स्वत:च स्वत:ला बनवतो.
फक्त फळं स्वत:च स्वत:ला बनवू शकतात.
- सुह्रद
- सुह्रद
